pic
pic

SUALLAR VƏ CAVABLAR

Sualınızı soruşun
Müsafirin namazını şikəstə (qəsr) qılmasının və oruc tutmamasının sübutu.
Tarixində 01 December 2020 & Saat 10:12

Quranın hansı ayəsi namazın şikəstə qılınmasına və səfərdə orucun tutulmamasına dəlalət edir?

 «فَمَنْ شَهِدَ مِنْكُمُ الشَّهْرَ فَلْيَصُمْهُ وَ مَنْ كانَ مَريضاً أَوْ عَلى‏ سَفَرٍ فَعِدَّةٌ مِنْ آيامٍ أُخَرَ»(بقره: 185)

Oruc barəsində Qurani-kərim buyurur: “Ayı (Ramazan ayını) görən şəxslər (bu ayı) oruc tutmalıdırlar; xəstə və ya səfərdə olanlar isə (tutmadığı günlərin sayı qədər) başqa günlərdə tutsunlar.”

Bu ayədən səfərdə olan şəxsə orucun vacib olmadığı sübut olunur.

 

Quran bütün məsələləri ümumi şəkildə bəyan edir. Amma məsələlərin təfərrüatını (cüziyyatını) Quranın təfsirçiləri olan Peyğəmbərin (s) Əhli-beyti bəyan edir. Elə bu səbəbə görə də Peyğəmbər (s) şiə və sünni kitablarında gələn “Səqəleyn” hədisində buyurur: “Mən iki qiymətli şeyi sizin aranızda əmanət qoyuram və bu iki şey kövsər hovuzunda mənə qovuşana qədər bir-birindən ayrılmazlar.”

Bu hədisdən anlaşılır ki, Quranı Əhli-beyt (ə) təfsir etməli və onun hökmləri Əhli-beytdən alınmalıdır. Əks təqdirdə yolunuzu azmış olacaqsınız. Əhli-beyt (ə) rəvayətlərində hökmlər bütün təfərrüatı ilə bəyan olunmuşdur. Namazın şikəstə qılınması və müsafirin səfərdə oruc tutmaması kimi məsələlərin hökmü tam aydınlıqla orada izah edilmişdir.

 

1244 Görüş