Günah, qəlbin qaralması amili

Bismilləhir-Rahmənir-Rahim

"كَلاَ بَلْ رَانَ عَلَى قُلُوبِهِمْ مَا كَانُوا يَكْسِبُونَ"[1]

“Heç də belə deyildir. Əslində onların qəlblərini qazandıqları (günahlar) qaplamışdır.”

Qeyd olundu ki, qəlb, Allah-taalanın insanın vücudunda qərar verdiyi həmin ilah və rəbbani nəfsdir və onun vasitəsilə insan məsələləri dərk edir, yaxşı və pisi düşünür, səhih və qeyri-səhihi, haqq və batili bir-birindən ayırır. Bu zəmində olan ayələr və rəvayətləri mülahizə etdikdə, aydın olacaqdır ki, qəlb dedikdə məqsəd nədir.

Qurani-Kərimdə Allah-təbarək və təala buyurur:

"وَنَطْبَعُ عَلَى قُلُوبِهِمْ فَهُمْ لاَ يَسْمَعُونَ"[2] 

“Biz (istəsək, günahlarına görə) bəzi insanların qəlblərini möhürləyərik və onlar da eşitməzdilər.”

Yaxud başqa ayədə buyurur:

"وَطَبَعَ اللَّهُ عَلَى قُلُوبِهِمْ فَهُمْ لاَ يَعْلَمُونَ"[3]

“Allah onların qəlblərini (qazandıqları günaha görə) möhürləmişdir. Buna görə də onlar (heç nə) bilməzlər.”

Deməli, Allah-taala günahkar insanların qəlblərini möhürləyir. Quran maarifinə əsasən əgər insan günah vadisinə düşsə və tövbə etməsə; birinci günahı etdikdə, tövbə etmədi, ikinci və üçüncü günahları da etdikdə tövbə etmədi, bu günahlar o qədər üst-üstə toplanır ki, onun bütün qəlbini bürüyür. Qurani-Kərim bu məsələni belə ifadə edir ki, Allah günahla dolu bu qəlbi möhürləyir və qəlbinə möhür vurulmuş şəxs, artıq nuranilik, haqq və həqiqət yolunda deyildir. Başqa bir təbirdə buyurur:

"كَلاَ بَلْ رَانَ عَلَى قُلُوبِهِمْ مَا كَانُوا يَكْسِبُونَ"[4]

(ardını izləyin)