Mübarək Ramazan ayının astanasında

Bismilləhir-Rahmənir-Rahim

Mübarək Ramazan ayının astanasında

Əbus-səlt Hərəvi rəvayət etmişdir ki, Şəban ayının axırıncı gecəsi İmam Rzanın (əleyhissəlam) hüzuruna getdim. Həzrət buyurdu: “Ey Əbus-səlt, Şəban ayının çox hissəsi keçdi və bu axırıncı cümə günüdür.

Bu ayın keçmiş günlərində etdiyi günahların qalan günləri ərzində bağışlanmasını istə və çoxlu Quran oxu. Ayın axırında Allaha görə xalislərdən olasan deyə öz günahlarından tövbə et. Üzərində olan bütün haqları və əmanətləri ödə. Qəlbində olan kin-küdurəti çıxar. Bütün etdiyin günahları tərk et. Allahdan həya et və öz işlərinin gizli və aşkar məqamlarında Allaha təvəkkül et. Allaha hər kəs təvəkkül edərsə, Allah taala ona kifayət edər. Bu ayın qalan vaxtında bu duanı çox oxu:

اللَّهُمَّ إِنْ لَمْ تَكُنْ غَفَرْتَ لَنَا فِيمَا مَضَى مِنْ شَعْبَانَ فَاغْفِرْ لَنَا فِيمَا بَقِيَ مِنْهُ

Əllahummə illəm təkun ğəfərtə ləna fima məza min şə`ban, fəğfir ləna fima bəqiyə minh.

İlahi, əgər Şəban ayının keçən günlərində bizi bağışlamayıbsansa, onda, qalan günlərində bizi bağışla!

Həqiqətən Allah, bu gecədə Ramazan ayının hörmətinə görə, bir çox bəndələri cəhənnəm alovundan qurtaracaq.

Mənbə: