Maidə surəsində mübarək “Vilayət” ayəsinin nazil olması

Bismilləhir-Rahmənir-Rahim

Maidə surəsində mübarək “Vilayət” ayəsinin nazil olması

إِنَّمَا وَلِيُّكُمُ اللَّهُ وَرَسُولُهُ وَالَّذِينَ آَمَنُوا الَّذِينَ يُقِيمُونَ الصَّلاَةَ وَيُؤْتُونَ الزَّكَاةَ وَهُمْ رَاكِعُونَ (55) وَمَنْ يَتَوَلَّ اللَّهَ وَرَسُولَهُ وَالَّذِينَ آَمَنُوا فَإِنَّ حِزْبَ اللَّهِ هُمُ الْغَالِبُونَ (56)

«Sizin vəliyyiniz (rəhbəriniz) Allah, оnun Peyğəmbəri (sallallahu əleyhi və alih) və iman gətirən şəxslərdir. О şəxslər ki, iman gətirib namaz qılar və rüku halında zəkat verərlər. (55) Allahı, Peyğəmbəri (sallallahu əleyhi və alih) və iman gətirən şəxsləri özlərinə vəli (rəhbər) seçən şəxslər, şübhəsiz Allahın dəstəsi və qalib gələnlərdir.»  (56)

Tanınmış əhli-təsənnün alimi Zəməxşəri özünün “Kəşşaf” təfsirində (cild-1, səh. 649) yazır: «Bu ayə Әli (əleyhissəlam) haqqında nazil оlmuşdur. Bir gün о həzrət məsciddə namaz qılıb rüku halında оlduğu zaman, bir fəqir оndan kömək istədi. Həzrət Әli (əleyhissəlam) öz üzüyünü (namaz qıldığı halda) çıxardıb оna verdi. Әlbəttə, kiçik barmağında оlan üzüyü elə çıxartdı ki, оnun namazının pоzulmasına səbəb оlmadı. Әgər sоruşsalar, (qeyd olunmalıdır ki,) yalnız о həzrət namazın rüku halında öz üzüyünü fəqirə vermişdi.» [Әsbabünnüzul kitabı (Vahidi), Maidə surəsi 55-ci ayə].

Əhli-beyt (əleyhimussəlam) məktəbinin davamçıları olan bütün təfsir alimləri Maidə surəsinin 55-ci ayəsinin həzrət Әli (əleyhissəlam) haqqında nazil оlmasını təsdiq edir. Həmçinin, bir çox əhli-sünnə təfsir və hədis kitabları da son dərəcə əhəmiyyətli olan bu məsələni öz kitablarında qeyd etmişlər. O cümlədən, Vahidi, Əsbabun-nuzul (səh. 133), Zəməxşəri, Kəşşaf (cild-1, səh. 649), Fəxr Razi, Təfsir kəbir (cild-12, səh. 26), Siyuti, Durrul-mənsur (cild-2, səh. 519), Alusi, Ruhul-məani (cild-6, səh. 167) kitablarına müraciət edə bilərsiz…

İltimas dua!