Həzrət Zeynəb-Kubra əleyhasəlamın ibadəti
04 July 2024
10:57
۲۹۰
Xəbərin xülasəsi :
آخرین رویداد ها
Bismilləhir-Rahmənir-Rahim
Həzrət Zeynəb-Kubra əleyhasəlamın ibadəti
Həzrət Zeynəb (əleyhasəlam) iman,
təqva, elm, mərifət, ibadət, səbir,
bəxşiş və digər fəzilətlərlə tamamlanmış kamil bir insandır. O həzrətin ibadəti barədə nəql olunur ki, gecələr ibadətə məşğul
olardı və bütün həyatı boyu heç vaxt gecə ibadətlərini tərk etməmişdir. O qədər
ibadət edərdi ki, ona “Əli ailəsinin ibadətkarı” ləqəbi vermişlər.[1] Hətta məhərrəm ayının
onuncu və on birinci gecələrində belə, o həzrət gecə ibadətlərini tərk etmədi.
İmam Huseyn əleyhissəlamın qızı Fatimə deyir: “Bibim Zeynəb (əleyhasəlam) bütün
Aşura gecəsində öz ibadət yerində ayaq üstə ibadət və Allah-taala ilə münacat edirdi.”[2] Xanım Zeynəbin (əleyhasəlam)
Allah ilə rabitəsi elə bir tərzdə idi ki, dövrün Məsum imamı həzrət Huseyn əleyhissəlam
Aşura günü vida zamanında bacısına üz tutub deyir: “Əziz bacım! Gecə namazında
məni unutma”.[3]