Mübarək şəban ayının müstəhəb əməlləri

Bismilləhir-Rahmənir-Rahim

Mübarək şəban ayının müstəhəb əməlləri

1-Mümkün olan miqdarda bu ayda oruc tutmaq; xüsusən birinci günündə çox tövsiyə edilir. Hədisdə deyilir ki, həzrət Peyğəmbəri-əkrəm (sallallahu əleyhi və alih) (mübarək Ramazan ayından başqa) ancaq Şəban ayını tamamilə oruc tutardı.

2-Sədəqə vermək; hədisdə deyilir ki, hər kəs Şəban ayında sədəqə verərsə, Allah-təala onun sədəqəsini bəsləyər, ta ki, Qiyamətdə Uhud dağı əndazəsinə çatdıqda onu sahibinə qaytara.

3-İstiğfar etmək; hədisdə deyilir ki, hər kəs Şəban ayında yetmiş dəfə istiğfar edib bağışlanmasını istəyərsə, günahları ulduzların sayı qədər olsa belə, Allah-təala onun günahlarını bağışlayar. Başqa bir hədisdə deyilir: Şəban ayının hər günündə yetmiş dəfə bu istiğfarı desin: 

»أَسْتَغْفِرُ اللَّهَ الَّذِي‏ لا إِلهَ إِلَّا هُوَ الْحَيُّ الْقَيُّومُ‏ الرَّحْمنُ الرَّحِيمُ‏ وَ أَتُوبُ إِلَيْهِ‏«

4- Şəban ayının əvvəlindən sonuna qədər bu zikri min dəfə demək; 

»لا إِلهَ إِلَّا اللَّهُ‏ وَ لَا نَعْبُدُ إِلَّا إِيَّاهُ‏ مُخْلِصِينَ لَهُ الدِّينَ‏ وَ لَوْ كَرِهَ الْمُشْرِكُون‏ «