Həzrət Xədicəi-Kubranın (əleyhasəlam) vəfatı

Bismilləhir-Rahmənir-Rahim

Həzrət Xədicəi-Kubranın (əleyhasəlam) vəfatı

Hicri qəməri 1444-cü il ramazan ayının 10-u, miladi 2023-cü il aprel ayının 2-i həzrət Rəsulullahın (sallallahu əleyhi və alih) sevimli və vəfalı həyat yoldaşı, Fatimei-Zəhranın (əleyhasəlam) əziz anası, Haşimi qəbiləsinin himayədarı xanım Xədicəi-Kubranın (əleyhasəlam) vəfatının ildönümüdür.

 Xanım Fatiməi-Zəhranın istəkli anası həzrət Xədicə (əleyhasəlam) Peyəmbər-əkrəmin (sallallahu əleyhi və alih) həyatının ən çətin dövründə yaşamış və vəsfedilməz fədakarlıqları ilə Peyğəmbərin həmdəmi və o Həzrətin ağır günlərinə şərik olmuşdur. Həzrət Xədicənin (əleyhasəlam) maddi baxımdan Məkkə şəhərinin ən imkanlı şəxslərindən olması səbəbinə cahiliyyət dövründə müşriklərin Peyğəmbərə qarşı ən sərt və dözülməz təzyiqlərinin dəf edilməsində bu əzəmətli qadının son dərəcə böyük rolu olmuşdur.

Həzrət Ayətullah Məhəmmədcavad Fazil Lənkərani (Allah ömrünü uzun etsin) cənablarının həzrət Xədicəi-Kubranın (əleyhasəlam) fəzilətləri haqda bəyanatı

Bu gün mübarək ramazan ayının 10-dur. İslam aləminin böyük şəxsiyyəti, Peyğəmbər Əkrəm həzrət Muhəmmədin (sallallahu əleyhi və alih) hörmətli xanımı Xədicəi-Kubranın (əleyhasəlam) vəfat günüdür.

Həzrət Xədicə İslamda böyük haqqı vardır. Peyğəmbəri-Əkrəmin (sallallahu əleyhi və alih) şəxsən açıq-aydın buyurduğuna əsasən, həzrət Xədicə İslamın ilk günlərində və dinin qüvvətlənməsində və dövrün olduqca çətin şəraitində həzrət Peyğəmbəri himayə etməkdə xüsusi və böyük rolu olmuşdur.

Bu günlərdə hörmətli xətiblərdən həzrət Xədicənin haqqında çoxlu təbirlər eşidirsiniz, lakin qeyd edəcəyim bu təbir olduqca böyük məna daşıyır. Bir gün həzrət Peyğəmbərin (sallallahu əleyhi və alih) xanımlarından biri həzrət Xədicə haqqında kiçildici bir söz deyir. Həzrət Fatimei-Zəhra (əleyhasəlam) Peyğəmbərə ərz edir ki, belə bir söz deyilir. Bu zaman Peyğmbər Xədicəi Kubra haqqında buyurur: “Xanım Xədicənin əzəməti budur ki, Allah-taala onun bətnini imamət zərfi olaraq təyin etmişdir.”

Məncə, həzrət Xədicənin (əleyhasəlam) əzəmət və şərafətini ifadə etməkdə bu təbir ən böyük ifadədir ki, həzrət Peyğəmbərin mübarək dili ilə bəyan edilmişdir.

 Həzrət Xədicəyə Allahın salamı, Cəbrailin salamı göndərilmişdir, bunlar öz yerində! Bunlar öz-özlüyündə olduqca böyük və əhəmiyyətli təbirlərdir. Amma bütün qadınların arasında yalnız bir xanımın həzrət Fatiməni (əleyhasəlam) dünyaya gətirməkdə səlahiyyəti olur və o da Məsum imamların (əleyhimussəlam) anası olur, bu olduqca böyük şərafət və kəramətdir. Demək olar ki, bundan böyük şərafət təsəvvür etmək mümkün deyil.