دسته بندی را انتخاب کنید

دسته بندی را انتخاب کنید

دسته بندی را انتخاب کنید

Ayətullah Fazel Lənkəraninin Gülüstan vilayəti əhli-sünnə cümə və camaat imamlarına açıqlamaları

30 January 2025

16:58

۲۶

Xəbərin xülasəsi :
Həzrət Ayətullah Fazel Lənkəraninin Gülüstan vilayətindən olan bir qrup əhli-sünnə cümə və camaat imamları ilə toplantısında verdiyi açıqlamalar
آخرین رویداد ها
Bismilləhir-Rahmənir-Rahim

İxtilaf səsi; Şeytanın çağırışı

Xəbərin xülasəsi


Həzrət Ayətullah Fazel Lənkəraninin Gülüstan vilayətindən olan bir qrup əhli-sünnə cümə və camaat imamları ilə toplantısında verdiyi açıqlamalar

(ardı)

Bu suala cavab olaraq, rəvayətlərdə «Təfvizun ilən-nəbi» adlı bir bölüm var, bu bölümdə imamlarımız bizə təfvizə işarə edən ayələri göstəriblər.

Bu ayələrdən biri, Həşr surəsinin 7-ci ayəsinin tərkibində gələn ifadədir: «وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانْتَهُوا»، yəni: «Peyğəmbər (s.a.v) sizə nə verdisə, onu alın və nəyi qadağan etdisə, ondan çəkinin». Bu «ما آتاکم الرسول» - yəni, şəriət qoyma məsələsində, Peyğəmbər (s.a.v) nəyi şəriətə gətirdisə, onu yerinə yetirin.

Bir çox məkruh məsələləri Peyğəmbər (s.a.v) bəyan edib, bu nəhy rəvayətlərinin çoxu da sizin kitablarınızda mövcuddur ki, bunlar kərahətə dair nəhy edilmişdir, nə Cəbrayıl gəlib bu barədə məlumat verib, nə də Qur'anda qeyd olunub, onda bunlar haradan gəlib? Bu, Allahın Peyğəmbərə verdiyi bir məqam və səlahiyyətdir. Buyurmuşdur ki, Bizim Peyğəmbərimiz  sizə nə desə, ona tabe olun.

Amma siz Fəxri Razi təfsirinə baxanda, «ما آتاکم الرسول» ifadəsini «fey'ə» (qənimətlərə) aid edir, yəni Peyğəmbər (s.a.v) sizə nə qədər qənimət verdisə, onu alın və verməsə, heç bir şey deməyin.

Bir məsələ də var ki, Qur'an bəzən bir məsələnin şərhində bir ümumi qayda təqdim edir. Məsələn, Ramazan ayında Allah buyurur: «شَهْرُ رَمَضَانَ الَّذِي أُنْزِلَ فِيهِ الْقُرْآنُ هُدًى لِلنَّاسِ وَبَينَاتٍ مِنَ الْهُدَى وَالْفُرْقَانِ فَمَنْ شَهِدَ مِنْكُمُ الشَّهْرَ فَلْيصُمْهُ وَمَنْ كَانَ مَرِيضًا أَوْ عَلَى سَفَرٍ فَعِدَّةٌ مِنْ أَيامٍ أُخَرَ» (hər kim Ramazan ayını görsə, oruc tutsun). Ardınca buyurur: «يرِيدُ اللهُ بِكُمُ الْيسْرَ وَلَا يرِيدُ بِكُمُ الْعُسْرَ», yəni Allah sizə asanlıq istəyir, çətinlik arzulamır. İndi deyə bilərikmi ki, «yüridullahu bikumul yusr» yalnız Ramazan ayı ilə əlaqəlidir, ya bu bir ümumi qayda və prinsipdir?

Sizlər də bunu fiqh qaydası olaraq qəbul etmisiniz. Buna görə də bir ayənin altında gələn bir ümumi məqamı sadəcə həmin ayədə müzakirə edilən məsələyə aid edib, onunla məhdudlandırmaq olmaz. Burada da «وَمَا آتَاكُمُ الرَّسُولُ» ümumi bir məqamdır, buna görə də İmamlarımız bu ayəyə şəriət qoyma məsələsi ilə istinad edib, daha sonra Peyğəmbərin (s.a.v) gətirdiyi şəriət qaydalarını bir-bir sadalamışlar.

Başqa bir məqamı da qeyd edim ki, Süleyman (ə) haqqında Sad surəsində 34-cü ayədə deyilir: « وَلَقَدْ فَتَنَّا سُلَيْمَانَ وَأَلْقَيْنَا عَلَى كُرْسِيِّهِ جَسَدًا ثُمَّ أَنَابَ قَالَ رَبِّ اغْفِرْ لِي وَهَبْ لِي مُلْكًا لَا يَنْبَغِي لِأَحَدٍ مِنْ بَعْدِي إِنَّكَ أَنْتَ الْوَهَّابُ فَسَخَّرْنَا لَهُ الرِّيحَ تَجْرِي بِأَمْرِهِ رُخَاءً حَيْثُ أَصَابَ وَالشَّيَاطِينَ كُلَّ بَنَّاءٍ وَغَوَّاصٍ وَآخَرِينَ مُقَرَّنِينَ فِي الْأَصْفَادِ هَذَا عَطَاؤُنَا فَامْنُنْ أَوْ أَمْسِكْ بِغَيْرِ حِسَابٍ» ، Allah burada buyurur ki, biz Süleymana beş hədiyyə verdik. İndi «فَامْنُنْ أَوْ أَمْسِكْ بِغَيْرِ حِسَاب» - burada «بِغَيْرِ حِسَاب» hansı şeyə aiddir? «هذا عطاؤنا»-ya? Yəni: «bu Bizim hesabsız hədiyyəmizdir», yəni Süleymana verdiyimiz hədiyyə hesabsızdır, ya da «فامنن»-ə? Yəni: Allah-taala bu hədiyyələri Süleymanın ixtiyarında qoymuş və buyurmuşdur ki, dünya nemətlərinin ixtiyarını sənə vermişəm, hər kəsə, hər qədər istəyirsən (hesabsız) verə bilərsən? Demək, maddi nemətlərlə bağlı belə ixtiyar verilmişdir.

İndi bizdə olan rəvayətlərə görə, Allah-taala peyğəmbərlərin sonuncusu və ən şərəflisi olan Peyğəmbərimizə (s.a.v) bu hədiyyələrdən daha üstün bir səlahiyyət, yəni şəriət qoyma səlahiyyəti vermişdir. Buna görə də «وَمَا آتَاكُمُ الرَّسُولُ فَخُذُوهُ» ümumidir, yəni bütün dünyəvi, mənəvi, hüquqi və inanc məsələlərində Peyğəmbər sizə nə desə, ona tabe olun.

Bu, maarifləndirici müzakirələrdən biridir. Əgər siz Peyğəmbərin (s.a.v) sonuncu peyğəmbər olduğunu, ki, bu bizlərin və sizin inandığınız bir həqiqətdir, təhlil etmək istəsəniz, əgər şəriət qoyma səlahiyyəti ilə yanaşı olmasa, məncə bu mövzunun aydın və açıq bir anlamı olmayacaqdır.

Bu bəhsi elmi bir mövzu kimi müzakirə etmək istədim, bilmirəm sizin mənbələrinizdə «Peyğəmbərin şəriət qoyma mövqeyi» haqqında qeyd edilib, ya xeyr? Alimləriniz bu barədə fikir yürüdüb, ya yox?

Son bir məsələ də mövcud zamanımızla bağlıdır. Bizlər inqilabdan əvvəlki tələbə və ruhani ola bilmərik, başımızı aşağı salıb yalnız mədrəsəyə gedək və bir cəmiyyət namazı qılmaqla kifayətlənək. İslamın başına nə gələcəyi və nə olacağı ilə maraqlanmayaq! Bu günlərdə İslamla əlaqədar çox sayda ziddiyyətlər və düşmənçiliklər mövcuddur, bu Quranı bizim əlimizdən almaq istəyirlər.

Bütün bu beynəlxalq insan hüquqları bəyannaməsinin gizli məqsədi budur ki, Amerika bu səviyyədə vahid qlobal kənd qurmaqla bu Quranı bizdən almaq istəyirlər. Əsl məqsəd budur. Heç bir məsələ burada Şiə, Sünni, Zeydi və ya İsmaili deyil, hətta Yəhudi və Xristian məsələsi də deyil. Onların gözündə Tövrat və İncil də dəyərsizdir, deyirlər ki, bütün ölkələrin əməl qaydaları bizim yazdığımız bu insan hüquqları bəyannaməsinə əsaslanmalıdır və səmavi kitablar isə yığışdırılmalıdır!

Onların ikinci məqsədi ölkələrə hakim olmaqdır, müasir köləliyi ən sərt şəkildə tətbiq etmək istəyirlər ki, onlar icazə vermədən bir stəkan su belə içə bilməyəsiniz. Azadlıq adı altında insanların azadlığını alırlar. Dini məkanları və simvolları aradan qaldırmaq məqsədindədirlər. Məkkə, Mədinə, Məscidül-Aqsanı və məscidləri yox etmək istəyirlər. Dini iclasları, yığıncaqları məhv etmək istəyirlər.

Onların planı odur ki, bir zaman nə məscid, nə huseyniyyə, nə də elmi hövzələr olsun. Hətta elm sahəsində deyirlər ki, biz sizə nə öyrətsək, onu öyrənməlisiniz. Alimlər ayıq olmalıdır, bu təhlükəni hiss etməliyik və anlamalıyıq ki, bu çox böyük bir təhlükədir.

Əgər İslamın əvvəlində Peyğəmbər (s.a.v) yetmiş döyüş və müharibədə mübarizə aparıbsa və biz də bəzən deyirik ki, nə çətin vaxt imiş, indi isə İslamla düşmənçilik o vaxtlardan min qat daha çətin və mürəkkəbdir.

Bu təhlükəni qəbul etməyən insanlar və «ABŞ və İsrail öz işlərini görürlər, biz də öz həyatımızla məşğul olaq»- deyənlər çox sadəlövhdirlər.

Keçmişdə İngiltərə bir yeri öz müstəmləkəsi edirdi, Fransızlar başqa birini, Amerika da başqa birini, amma bu gün «الکفر ملّةٌ واحدة», yəni bütün müstəmləkəçi ölkələr əl-ələ verib ki, insanları öz müstəmləkələrinə çevirsinlər.

Buna görə biz çox ayıq olmalıyıq. Bu nöqtədə inqilabın qiyməti anlaşılır. Əgər bu inqilab olmasaydı, bu gün İran xalqı və hətta bütün dünya xalqları düşüncə səviyyəsi baxımından bu qədər bir şüurda olmazdılar.

İran bu gün dünyaya düşməni tanıdıb. İsrailin o qorxunc və dəhşətli, qan içən siması ki, yalnız müharibə etmək, qətl etmək və günahsız qadınları, uşaqları öldürməkdən başqa heç bir gücü yoxdur, harada özünü göstərə bilərdi?

Böyük din alimlərimizin Qəzzə xalqına qarşı olan həssaslığı, İraq və Əfqanıstanın şiələrinə qarşı olan həssaslıqla eynidir. Bu zülmkarların, Qəzza xalqını heyvan adlandırıb hamısını öldürmək istəyənlərin qarşısında təhlükəni yaxşı anlamalıyıq və bilməliyik ki, bizə nə vəzifə düşür.

«Vəhdət» bizim hamımızın ilk vəzifəsidir, heç kimin aramızda ixtilaf yaratmasına imkan verməməliyik, heç kimin rəhbərlik və İslam hakimiyyətinə qarşı şayiələr yaymasına və yalanlar söyləməsinə icazə verməməliyik.

Mümkündür bir şiə alimindən və ya bir sünni alimindən sui-istifadə edərlər, fərqi yoxdur, onlar istəyir ki, öz məqsədlərinə çatmaq üçün bizlərdən ixtilaf yaratmağa və öz hədəflərinə nail olmağa alət etsinlər. Vəhdəti qorumalıyıq, diqqətli olmalıyıq ki, hamımız inqilabın rəhbəri ətrafında birləşək, əsas mehvər odur.

Böyük rəhbərin Gülüstan ustanında nümayəndəsi Ayətullah Nurmufidi cənablarının xidmətlərini dəyərləndirək ki, inqilabın ilk günlərindən etibarən, Sünni icması ilə dürüst əlaqələr quraraq həmin bölgədə şiə və sünni arasında vəhdət yaratmaqla mühüm rol ifa etmişdir.

O, oradakı şiələrə göstərdiyi qayğı ilə eyni diqqəti Türkmənsəhra ərazisindəki insanlara da göstərir. Bu baxımdan, o, rəhbərin nümayəndələri arasında misilsizdir və onun qədrini bilməli, sağlamlığı və uzun ömrünü diləməliyik. Eyni zamanda, o bölgədəki Sünni alimləri də diqqətli və irəliləyici davranışları ilə təqdirə layiqdirlər.

Hər halda zəruri məsələlərə diqqət yetirək, heç kimin aramızda ixtilaf yaratmasına imkan verməyək, hər kəs ixtilaf yaysa, bilin ki, o şeytandır, bilin ki, o, Amerikanın əlində olan bir alətdir, bu məsələ barədə heç bir şübhə yoxdur.


17 mehr 1403

2024-cü il 8 oktyabr


Etiketlər :

Ayətullah Fazel Lənkəraninin Gülüstan vilayəti əhli-sünnə cümə və camaat imamlarına açıqlamaları