Cənubi Livanın vəhşicəsinə bombalanmasının məhkumiyyəti

Bismillahir-rahmənir-rahim

Bu hadisələr İsrailin çarəsizliyin zirvəsinə çatdığını və daha sağ qala bilməyəcəyini anladığını göstərir

Xəbərin xülasəsi

Xaric dərsində Həzrət Ayətullah Fazel Lənkəraninin sionist rejiminin Cənubi Livanı vəhşicəsinə bombalamasını məhkum etməsi

بِسْمِ اللهِ الرَّحْمٰنِ الرَّحيمْ
الْحَمْدُ للّه رَبِّ الْعَالَمِينْ وَصَلَى الله عَلَىٰ سَيِّدَنَا مُحَمَّدٍ وَآلِهِ الطَّاهِرِينْ

«إِنَّ الَّذِينَ يُحَادُّونَ اللَّهَ وَرَسُولَهُ أُولَئِكَ فِي الْأَذَلِّينَ كَتَبَ اللَّهُ لَأَغْلِبَنَّ أَنَا وَرُسُلِي ‌إِنَّ اللَّهَ قَوِيٌّ عَزِيزٌ»

Dərsə başlamazdan əvvəl, yenidən, bu günlərdə sionist zalım rejiminin Livanda törətdiyi çox qorxunc və dəhşətli cinayətlərə qarşı mövqeyimizi və dərin hüznümüzü paylaşaraq, Livan xalqı, müqavimət cəbhəsi və şücaətli Həzbullahla öz həmrəyliyimizi bildiririk. Bütün şiələr və müsəlmanlar, bütün elmi hövzələr bu çətinliklərdə onlarla həmrəy olmalıdır və həqiqətən hiss etməliyik ki, bu cür hücumlar bizə qarşı həyata keçirilir.

Aydındır ki, insan hər gün müsəlmanlara qarşı daha təhlükəli planları müşahidə edir. Bunlar, yalnız məqsədsiz və proqramsız vurulmuş bir zərbə deyil, yox! Bu cinayətlər, amerikalılar və avropalıların birgə əməkdaşlığı və bəzi İslam ölkələrinin əməkdaşlığı və ya susqunluğu ilə həyata keçirilir.

Bir tərəfdən, bu rejim öz xəbisliyini göstərir, çünki cinayət törətməkdə heç bir həddi tanımır və öz biabırçı mövcudluğunu qorumaq üçün çox sayda məsum insanı məhv etməyə hazırdır. ABŞ isə İsrailə ən müasir təyyarələr və dağıdıcı bombaları verərək onun müharibə qabiliyyətini hər gün daha da gücləndirir.

Digər tərəfdən, görünüşə görə, onlar bu müharibəni dayandırmağa çalışdıqlarını deyirlər, amma ABŞ-ın zavallı xalqının büdcəsindən bu rejimə vəsait verilir ki, onun müharibə imkanları gündən-günə güclənsin. Lakin Allahın dediyi kimi: «وَمَكَرُوا وَمَكَرَ اللَّهُ وَاللَّهُ خَيرُ الْمَاكِرِينَ» (Və məkr etdilər və Allah da məkr etdi, Allah isə ən yaxşı məkr edəndir). Həmçinin analitiklərin dediyi və hadisələrin gedişi bunu göstərir ki, İsrail ümumiyyətlə çıxılmaz vəziyyətə düşüb və artıq vəziyyətini başa düşür ki, o, artıq davam edə bilməyəcək, buna görə də yaralanmış heyvan kimi sonuncu çırpıntılarını edir, tərpənir, ölümdən əvvəlki son addımlarını atır.

Bugün yalnız müsəlmanlar deyil, qeyri-müsəlmanlar və dünyanın bir çox xalqları bu nəticəyə çatmışlar ki, İsrail sıxışdırılıb, susdurulmalıdır. Bunun özü Fələstin, Livan, Yəmən və İran üçün böyük bir müvəffəqiyyətdir ki, bu rejim aradan getməlidir.

Dünyanın gözü qarşısında Birləşmiş Millətlər Təşkilatında Natanyahu çıxış etdiyi zaman əksər ölkələrin nümayəndələri salonu tərk etdilər, bu dünya üçün böyük bir peyğamdır. Hərçənd bu tənqid olunmalıdır ki, nə üçün belə bir cinayətkarın Millətlər Təşkilatında söhbət edilməsinə icazə verilir? Bu cinayətkarın beynəlxalq məhkəmələrdə mühakiməsi olmalı halda, nə üçün ona fürsət verirlər və ixtiyarında tribun qoyurlar.

Hər halda, biz və hər müsəlman Allah-taalanın vədələrinin həyata keçməsinə inanırıq, bu Allahın qəti ənənəsidir, Quranın ayəsinə əsasən İsrailin zillət və alçaqlığı Allahın qəti əmridir. Bir gün gələcəkdir ki, tamamilə zəlil olacaq və ondan heç bir əsər qalmayacaqdır.

İnşaallah, o gün gəlib çatacaqdır ki, Allahın qəti ənənəsi, müqavimət cəbhəsi qələbə çalacaq və İmam Xomeyni (Allah ona rəhmət eləsin) dediyi kimi, bu xərçəng vəzisi yer üzündən silinib məhv olacaqdır.

Ölkəmizdə müqəddəs müdafiə günləridir, bütün inqilab şəhidlərinin, müqəddəs müdafiə şəhidlərinin, Hərəmin müdafiəsi şəhidlərinin və müqavimət cəbhəsinin şəhidlərinin xatirəsini əzizləyir və yad edirik.

7 mehr 1403