Günün hədisi

Bismillahir-Rəhmanir-Rəhim

Həzrət İmam Rza əleyhissəlamdan belə nəql edilir:

“Yeddi şey əgər digər yeddi şeylə birgə olmazsa, istehza və məsxərə sayılar; 1- Əgər bir kəs (etdiyi pis əməl müqabilində) dildə istiğfar edib qəlbində peşiman olmazsa, özünə rişxənd etmişdir; 2- Əgər kimsə (müəyyən məqsədə çatmaq üçün) Allah-taaladan kömək istəsə, amma özü fəaliyyət və səy göstərməzsə, özünü istehza etmişdir; 3- Əgər kimsə Behişti istəyib (həyatın çətinliklərinə) səbr etməzsə, özünü masqara etmişdir; 4- Əgər bir kəs (cəhənnəm) odundan Allah-taalaya pənah aparsa, amma dünyanın (haram) ləzzətindən əl çəkməzsə, özünü ələ salmışdı; 5- Əgər bir kəs ölümü yada salsa, amma ölümünə hazırlıq görməzsə, özünü məsxərə etmişdir; 6- Əgər kimsə Allah-taalanı yada salsa, amma Onun görüşünə getməyə müştaq olmazsa, özünü istehza etmişdi; 7- Əgər bir kəs günahlarının təkrarına israr edərsə və tövbə etmədən Allah-taaladan əfv və bağışlanmaq istərsə, özünü məsxərə etmişdir.”

Mənbə: “Əl-Məvaizul ədədiyyə” səh. 471.