Həzrət Əli əleyhissəlam Rəsulullahın canı və vücududur
04 July 2024
09:02
۲۴۵
Xəbərin xülasəsi :
آخرین رویداد ها
Həzrət Əli əleyhissəlam həqiqətdə Rəsulullahın (sallallahu əleyhi və alih) canı və vücududur
Möhtəşəm “Məfatihul-cinan” kitabının müəllifi mərhum Şeyx Abbas Qumi deyir: “Bir sual yarana bilər ki, nə üçün hədislərdə həzrət Peyğəmbərin (sallallahu əleyhi və alih) mövlud və məbəs günlərində həzrət Əmirəl-möminin əleyhissəlamın ziyarətnaməsinin oxunması qeyd olunmuşdur!? Amma
peyğəmbərin öz ziyarətnaməsini oxumaq qeyd olunmamışdır!? (Mən bu sualı öz ifadəmlə belə bəyan edirəm ki, nə
üçün zahirdə həzrət Peyğəmbərə (sallallahu əleyhi və alih) məxsus olan “mövlud və məbəs” günləri kimi münasibətlərdə əziz Peyğəmbərin ziyarətindən
daha çox həzrət Əlinin (əleyhissəlam) ziyarət edilməsinə təkid olunur?)
Bu sualın cavabı, o iki İlahi şəxsiyyətin bir-birlərinə olduqca yaxın olmasında və onların vahid, pak nurdan vücuda gəlmələridir. Hər kəs Əmirəl-möminini ziyarət etsə, sanki Peyğəmbəri ziyarət etmişdir. Bu məsələyə “Mübahilə”
ayəsindəki “ənfusəna” (özümüz) kəlməsi şahiddir. (Yəni Allah-taala “Mübahilə” ayəsində həzrət
Əlini (əleyhissəlam) həzrət Peyğəmbərin (sallallahu əleyhi və alih) canı və
vücudu kimi tanıtdırır.)
Həmçiniin bir çox hədislər də buna şahiddir. Şeyx Məhəmməd ibni Məşhədi bir hədisdə İmam Sadiqin (əleyhissəlam) belə buyurduğunu yazır: “Badiyənişin bir ərəb Peyğəmbərin (sallallahu əleyhi və alih) hüzuruna müşərrəf olur və deyir: “Ya Rəsulullah, mənim
evim buradan çox uzaqdadır. Mən sizi ziyarət etmək məqsədi ilə gəlirəm, amma mənə
sizinlə görüşmək qismət olmur. Əvəzində mən həzrət Əli ibni Əbu Talibi ziyarət
edirəm. O, mənə hədis oxuyur, nəsihət verir və məni moizə edir. Mən də sizi
görməmiş, kor-peşman qayıdıram evimə. Peyğəmbər (sallallahu əleyhi və alih) buyurdu: “Hər kim Əlini ziyarət eləsə, elə bil mənim
özümü ziyarət etmişdir. Hər kəs onu sevsə, elə bil məni sevmişdir. Hər kəs
onunla düşmənlik eləsə, elə bil mənimlə düşmənlik etmişdir. Bunları məndən öz qəbilənə
çatdır. Hər kəs onu ziyarət eləsə, elə bil məni ziyarət etmişdir və mən özüm və Cənab Cəbrail və Möminlərin Salehi (Əli əleyhissəlam)
ona Qiyamət günü mükafat verəcəyik.
Mənbə: Biharul-ənvar, cild-10, səh. 262
Bir mötəbər hədisdə İmam Sadiq (əleyhissəlam) buyurur: “Əgər Nəcəf ziyarətinə getsən, mütləq Adəmin (əleyhissəlam) sümüklərini, Nuhun (əleyhissəlam) bədənini, Əli ibni Əbu Talibin (əleyhissəlam) cismini ziyarət et. Ona görə ki, həqiqətdə ata-babaları, peyğəmbərlərin Xatəmi həzrət Məhəmmədi (sallallahu əleyhi və alih) və vəsilərin seyyidi Əlini (əleyhissəlam) ziyarət etmiş olursan. (Həqiqətən, onu ziyarət edənin duaları ilə səmanın
qapıları açılar. Bəs, bu böyük xeyir və savabdan qəflətdə qalma.)”
Mənbə: Kamiluz-ziyarat, səh. 35; Biharul-ənvar,
cild-97, səh. 258
Burada bir tarixi hadisəyə də işarə etmək istərdim.
“Leylətul-məbit”[1], həzrət
Peyğəmbərin (sallallahu əleyhi və alih) hicrət gecəsində Əli əleyhissəlamı öz yatağında öz
yerinə yatırtmaqla müşrüklərə yataqda Peyğəmbərin yatmasını bildirmişdir. Bu hadisə
“İnzar”[2] (Allah-taalanın
göstərişi ilə həzrət Peyğəmbərin (sallallahu əleyhi və alih) öz tayfasına Əli əleyhissəlamı özünün vəziri və
canişini tanıtdırması) hadisəsindən sonradır. Yəni həzrət Əli əleyhissəlam
canişinlik məqamından sonra daha yüksək məqama nail olur və Allah-taalanın göstərişi
ilə ğz canını Peyğəmbərin canı müqabilində Allaha satır və Rəsulullahın
(sallallahu əleyhi və alih) canı və vücudu məqamına nail olur. Mübahilə ayəsində
Allah-taala bir daha bu məsələni xatırladaraq idrak sahiblərinin nəzərinə
çatdırır. Mən deyərdim Allah-taalanın göstərişi ilə “Bəraət” ayələrini Məkkə müşriklərinə
qiraət etmək üçün həzrət Peyğəmbərin (sallallahu əleyhi və alih) Əlini (əleyhissəlam)
təyin etməsi də məhz bu cəhəti xatırlatmaq üçündür. Necə ki, Cəbrail əleyhissəlam
nazil olaraq Rəsuləllaha (sallallahu əleyhi və alih) deyir: “لَایُبَلِّغْ عَنْکَ إِلَّا
عَلِیٌّ” , yəni
Allah-taala buyurur: “Bu ayələrin təbliğini sənin tərəfindən Əlidən qeyrisi bəyan
edə bilməz.”[3]