عیدغدیرکے موقع پرقرآن چینل کے خصوصی پروگرام کے لیے حضرت آیت اللہ فاضل لنکرانی (مدظلہ العالی)کاپیغام (٩١/٨/١)

عید سعید قربان اوراسی طرح عید اللہ اکبر ،عید سعید غدیر کی آ مد پر تمام مسلمانوں ، خاص کر تمام شیعیان عالم کو مبارک باد اور تہنیت پیش کرتاہوں

ذی الحجۃ الحرام کے مہینے میں اسلامی عیدوں میں سے دو بڑا عید ہے جس میں سے ہرایک کے اپنے خاص اسرار اور بہت سے آ داب ہیں ۔ان دونوں میں سے عید غدیر کی اپنی ایک خاص اہمیت  ہے ۔

ہم تمام اعیاد خاص کر کے روزعید سعید غدیر کو اللہ سبحانہ تعالی کا خا ص زیارتی دن قرار دے سکتے ہیں،یعنی آج وہ دن ہے جس میں اللہ تعالی نے مسلمانوں پربے حدوسیع فضل وکرم پھیلایاہے اورنہایت خاص عنایت و توجہ رکھتا ہے، حتی بعض روایات میں آیا ہے کہ جتنا اللہ تبارک وتعالی عید غدیر کے دن انسانوں کو اپنے بخشش ومغفرت سے نوازتاہے وه ماہ مبارک رمضان اور لیلۃ القدر سے بھی زیادہ ہے ۔

لہٰذاہمیں اس دو دن پر بہت زیادہ توجہ دینی چاہیے ،ہمیں یہ نہیں سوچنا چاہیے کہ عید قربان سرزمین منی میں حاضر حاجیوں سے مخصوص اور اس کے آ داب کو صرف انہی کو انجام دینا چاہیے ،اوّلاً روایات اوردعاؤں کی کتابوں میں عید قربان کی رات اور دن کے لیے کچھ مستحبات ذکر ہوئے ہیں اور بہت سفارش کی گئی ہے کہ انسان عید قربان کو احیا اور شب بیداری اور اپنے پروردگار کے ساتھ راز ونیاز اور مناجات میں گزارے ،عید غدیر کے دن روزہ رکھنے کی بہت زیادہ تاکید کی گئی ہے ،٦٠سال کے گناہوں کا کفارہ اور زندگی میں ٦٠ مہینے روزے رکھنے کا اجروثواب رکھتا ہے ،اس دن کے کچھ آداب ہیں انشاء اللہ مؤمنین دعاؤں کی کتابیں اورجن بزرگ علماء نے اپنی تالیفات میں یہ آداب لکھے ہیں ان کی رجوع فرماکرضروراس پر توجہ دیں گے ۔

 یہاں مناسب ہے کہ امام ہشتم (ع) کی ایک روایت نقل کروں۔

محمد بن ابی نصر بزنطی کہتے ہیں میں آٹھویں امام کی خدمت میں تھا''والمجلس غاص باھلہ[1]''مجلس لوگوں سے بھری ہوئی تھی اور دوسرے کسی اور کیلئے جگہ خالی نہیں تھی ،عید غدیر کی بات چھڑ گئی ، کچھ لوگ نے عید غدیر کے دن کے بارے میں شک وتردید کیا ، امام ھشتم نے فرمایا''حدثنی ابی عن ابیہ علیہم السلام قال'' اپنے جد سے کوئی حدیث نقل کیا کہ آ پ ؐنے فرمایا''انّ یوم الغدیر فی السماء أشہر منہ فی الأرض''یعنی اے زمین پر رہنے والو یہ نہ سوچنا عید غدیر کا دن صرف تم زمین پر بسنے والوں کے لیے ہے بلکہ عید غدیر کے دن کی ایسی حقیقت اور ملکوت ہے کہ اہل آسمان میں زمین سے زیادہ مشہورہے اور اس روز آسمان میں شوروغول ہے۔

پھرفرماتے ہیں ''ان للہ عزوجل فی الفردوس الاعلی قصراً''اللہ کے لیے اپنے فردوس اعلیٰ میں سونے اور چاندی کا محل ہے ،(جس میں )ایک لاکھ خیمہ اور یاقوت سے بنے ہوئے گنبد ہے۔''ترابہ المشک وا لعنبر''اس کی مٹی مُشک اورعنبرہے ''فیہ أربعۃًأنہارنہرمن خمر ونہر من ماء و نہر من لبن ونہر من عسل''اس محل میں پانی ،دودھ ،شہد اور شراب کی چار نہریں جاریں ہیں ''حوالیہ اشجار جمیع الفواکہ ''ایسے درخت جوتمام میوے رکھتے ہیں اور مخصوص پرندے ان کے اردگرد ہیں ''فاذاکان یوم الغدیرورد الی ذلک القصر اھل السموات'' جب عید غدیر کا دن آتاہے اللہ تعالی اس دن کی برکت سے اہل آسمان کو اس قصر میں داخل کرتاہے ۔

یسبحون اللہ ویقدسونہ و یہللونہ ''اور وہاں اللہ سبحانہ کی تسبیح ،تقدیس اورتہلیل میں مشغول ہوجاتے ہیں ''فتتطایر تلک الطیور ''یہ پرندے وہاں اڑتے ہیں اوروهاں کے مشک و عنبر سے استفادہ کرتے ہیں ''انہم فی ذلک الیوم لیتہادّون نثارفاطمہ علیہا السلام ''عید غدیر کے روز ملائکہ اوراہل آسمان ایک دوسرے کو فاطمہ علیہا السلام کا نثارتحفے میں دیتے ہیں (نثار'اس درخت طوبی کے پتے ہیں جو حضرت زہرا 'اور امیرا لمومنین علیہم السلام کے ازدواج کی برکت وسعادت سے حضرت کی شب ِزفاف میں اہل آسمان کو ہدیہ کیا گیا۔( پھر آٹھوے امام فر ماتے ہیں ''یابن ابی نصرأینماکنت فحص یوم الغدیرعندأمیر المؤمنین''فرماتے ہیں غدیر کے روزجہاں بھی ہوامیرالمؤمنین (ع)کی قبرکے پاس جاؤ''فان اللہ تبارک وتعالی یغفر لکل مؤمنۃ ومسلم ومسلمۃ ذنوب ستین سنۃ ''اللہ تعالیٰ ساٹه سال کے گناہوں کو امیرا لمؤمنین (ع) کی برکت سے بخش دیتا ہے''ویعتق من النار ضعف ما اعتق من شہر رمضان''جتنے لوگوں کو ماہ رمضان میں جہنم کی آگ سے آزاد کیاہے اس سے دوگنا زیادہ غدیر کے روز آزاد کرتاہے ،اس روزایک درہم صدقہ دینا دیگر دنوں میں ہزاردرہم دینے کے برابر ہے اورمؤدمنین کو اس روز خوش کرنے کابہت زیادہ ثواب ہے۔اس روایت میں اہم نکا ت ہیں جن کا جائزہ لینا چاہیے۔

سب سے اہم بات یہ ہے کہ امامت قرآن کریم کی صارحت کی بناپر ہمارے دین کے اصول میں سے ہے ۔ اللہ تعالی فرماتے ہیں: ''یاایہا الرسول بلغ ما انزل الیک من ربک وان لم تفعل فما بلغت رسالتہ ''؛اے ہمارے رسول جو کچھ ہماری جانب سے تم پر نازل ہوا ہے لوگوں تک پہنچاؤاور اگر تم نے یہ کام نہ کیاتو تم نے اللہ کی رسالت کو انجام نہیں دیا ہے ،اس کے معنی ہیں کہ پیغمبر (ص)کی تمام زحمات ،سعی وکوشش اور مجاہدت و جنگیں جو آ پ نے اللہ کے لیے انجام دیا ۔ اس کے باوجود کہ ابتدا ئی دنوں میں ہی سب کے لیے مثال ونمونہ بن چکا تھااور مختلف مناسبتوں میں امیرا لمؤمنین (ع)کے بارے میں فرماچکے تھے ،لیکن اس اجتماع میں اوراس خصوصیت کے ساتھ کہ لوگ حج سے واپس لوٹ کر آتے ہیں پیغمبر (ص) حکم دیتے ہیں کہ سب کھڑے ہو جائیں اور جمع ہوں،ایک لمبی اور تفصیلی خطبہ دیتے ہیں ۔

میں یہاں اپنے عزیزوں کو سفارش کرتاہوں کہ ضروررسول اللہ (ص)کے خطبہ غدیر کی طرف رجوع کریں ،اگر کوئی انسان مسلمان رسول اللہ (ص) نے جو خطبہ روز غدیردیا اسے دیکھے تو اس کے دل میں امیرا لمؤمنین (ع) کی ولایت کے بارے میں کوئی  شک باقی نہ رہے گا،مگر کوئی ایسا شخص ہوجو چاہتا ہے کہ انصاف اورعقل ومنطق کو کنارے پر رکھے ۔

آپ ؐ نے ایک خطبہ دیا اورفرمایا: ''من کنت مولاہ فہذاعلی مولاہ ''اس آیت میں بھی اللہ تعالی فرماتاہے ؛اے ہمارے رسول اگرآپ اس الٰہی حکم کو لوگوں تک نہیں پہنچائیں گے تو آ پ نے اللہ کی رسالت کو انجام نہیں دیا،یعنی یہ فریضہ وذمہ داری ادا نہ کرنا رسول اللہ کی رسالت کی تمام زحمات ختم ہونے کے برابر ہے ،ہم شیعون کا عقیده ہے کہ نماز ولایت امیر المؤمنین کے بغیر نماز نہیں ہے ،روزہ بغیر ولایت امیر المؤمنین ' روزہ نہیں ہے ،اصل میں عبادت بغیر ولایت ِامیر المؤمنین اور ان کی اولاد کے ،عبادت هی نہیں ہے ۔

ممکن ہے کہ دیگراہل مذاہب میں سے بعض ہم سے کہیں آپ لوگ کس دلیل کی تحت یہ بات کرتے ہیں ؟ کیا قرآن کریم سے کوئی دلیل ھے ؟ہم کہتے ہیں جی ، سورہ مائدہ کی اسی آیت سے جب یہ طے پائے کہ اگر رسول اللہ (ص) ولایت کا اعلان نہ کریں آ پ ؐ کی رسالت کالعدم( ختم شدہ ) گردانا جائے ،یقیناًاورترجیحی طورپر بغیر ولایت کی نماز،کالعدم اورایسا ہے جیسا که نماز هی نہ پڑھا ہے اور اس کا کوئی اثر نہیں ہے ،نماز اہم تر ہے یا رسالت ، روزہ اہم تر ہے یا رسالت ؟لہٰذا ہم اسی آیت سے یہ نتیجہ لے سکتے ہیں کہ دین کی تمام روح ولایت ہے ،دین کا تمام جو ہر اور حقیقت ولایت ہے ،ہمیں عید غدیر کے روزواقعاً ولایت کو زیادہ اور بہتر سمجھنا چاہیے ،ولایت کی حقیقت کو ، ولایت سے تمسک کو زیادہ سمجھنا چاہیے ،عید اس انسان کے لیے عید ہے جو ولایت کی حقیقت کو اپنے قلب میں زیادہ متجلی( روشن اور درخشاں) کرے ۔

اس دُعا کو ان دنوں میں زیادہ پڑھنا چاہیے ''اللّہُمَّ عَرِّفْنِی نَفْسَکَ فَانَّکَ انْ لَمْ تُعَرِّفْنِی نَفْسَکَ لَمْ اَعْرفْ رَسولَکَ ، اللّہُمَّ عَرِّفْنِی رَسولَکَ ، فَانَّکَ انْ لَمْ تُعَرِّفْنِی رَسولَکَ ، لَمْ اَعْرفْ حُجَّتَکَ اللّہُمّ عَرِّفْنِی حُجّتَکَ فانّکَ انْ لَمْ تُعَرِّفْنِی حُجّتَکَ ضَلِلْتُ ''ہم عید غدیر کے روز اللہ تعالی سے کہتے ہیں اے اللہ ہمارے حی اور زندہ حجت کو' ہمارے امام زمانہ کو ہمیں زیادہ پہچنوائیں ،ولایت کو ہمارے وجود کی گہرائی میں قرار دیں اورعجیب بات یہ ہے کہ روایت میں وارد ہے ،پیغمبر (ص) نے امیرا لمؤمنین (ع) کو حکم دیا کہ غدیر کے دن کو عید کا دن قرار دو۔

پھر اسی روایات میں وارد ہو ا ہے کہ تمام گذشتہ انبیاء (ع) نے اپنے اوصیا ء کو سفارش اور وصیت کرتے تھے کہ غدیر کے دن کو ،اس کے باوجود کہ اس دور میں ابھی تک ظاہاً نہ کوئی رسول اللہ (ص) تھے اور نہ امیرا لمؤمنین (ع)!لیکن گذشتہ انبیاء کی سفارش او ر وصیتوں میں سے ایک یہ تھی کہ غدیر کے دن کو عید مانایا جائیں ۔

عید قربان کا دن بھی بہت اہم ہے ،اللہ تعالی کی بندگی کی عید ہے ،ہمیں ضرورعید قربان کے دن اپنی بندگی کے حوالہ سے تجدید نظر(نظرثانی) کرنا چاہیے اور اس کی تقویت کرنا چاہیے اور اسے نیچے اورسطحی ومعمولی رتبہ پر نہیں پڑارہنا دینا چاہیے ،عید قربان کے آداب ان افراد کے لیے اختصاص نہیں رکھتا جو حج پر ہیں ،عید قربان کی رات بیداری کرنا اور عید کے روز سے مربوط اعمال اورجودعائیں اس سلسلہ میں وارد ہوئیں ہیں وہ تمام مؤمنین کے لیے ہیں ۔

یہاں میں عزیزومحترم عوام سے عرض کرتاہوں وہ لوگ اہل دعا ہیں ،اگر چہ مرحوم محدث قمی (رہ) کی مفاتیح الجنان ہماری دعائی سرمایوں میں سے ہے لیکن یہ نہیں سوچنا چاہیے کہ دعائیں صرف اسی کتاب ِ مفاتیح الجنا ن میں ہیں ،سیدبن طاووس کی کتاب اقبال کی دعائیں ،مفاتیح الجنان سے کئی گنا زیادہ ہیں ۔ہمیں یہ دعائیں پڑھنی چاہیے اور ان کی روح ومعنی سے بہرہ مند و مستفید ہوناچاہیے ۔

عید قربان میں اللہ تعالی خالق کائنات کو اس کی بندگی کے مراتب اورعید غدیر میں صاحب ِولایت کبری امیر المؤمنین (ع) سے ولایت کے مراتب ودرجات کو بڑھائیں کہ ولایت اوراللہ سبحانہ تعالی کی بندگی دو جو ہر ہیں جو ایک دوسرے سے مربوط اورجوڑے ہوئے ہیں ،اللہ تعالی کی بندگی امیرالمؤمنین کی ولایت کے بغیر امکان پذیر نہیں ہے مجھے امید ہے کہ اس دو دن کی برکات و آثار سے ہم سب بہرہ مند ومستفید ہوجائیں انشاء اللہ ۔

والسلام علیکم ورحمۃ اللہ و برکاتہ