Spirtin hansı növləri pak, hansı növləri isə nəcisdir?

Buyurmusunuz ki, əgər bir şey əsil maye və məst edici olsa nəcisdir. Tibbi spirti Həzrət Ayətullah Fazil Lənkərani (Allah rəhmət etsin) məst edici bilmirdi. Əgər bir nəfər dəqiqliklə tibbi spirtin məst edici olmasin bilsə nəcis hökmündədir, amma əgər bir nəfər tibbi spirtin məst edici olub-olmamasını bilməsə pakdır. Mən araşdırmışam ki, bütün tibbi- spirtlər məst edicidir. Hamısına su əlavə edilib içilməsi mümkün və eyni zamandada içən şəxsin məst olması mütləqdir. Yaxşı, əgər məsələ belədirsə, Həzrət Ayətullah Fazil Lənkərani(Allah rəhmət etsin) ağa deyir ki, mən tibbi spirti məst edici bilmirəm. Onda belə bir nəticə çıxardıram ki, tibbi- spirt özü-özlüyündə məst edici olsada belə mərhum Lənkərani ağa onu məst edici saymadığına əsasən pakdır. Yəni, tibb üçün hazırlanıb və tibdə istifadə olunduğu üçün əsli məst edici olsa belə pakdır. Düzgün başa düşmüşəm? Əgər desəniz ki, yox sənin üçün tibbi spirt nəcisdir.Bu halda belə çıxır ki, mərhum Lənkərani ağa müqəllidləri üçün yox, özü üçün deyirmiş: mən tibbi spirti məst edici bilmirəm. Yəni, kiməsə sübut olunsa, tibbi spirt məst edicidirsə o müqəllid üçün nəcisdir. Düzgün başa düşmüşəm? Əgər desəniz, bəli düzgün başa düşmüsən. Bəs mənim keçmişdə qıldığım namazlarımın hökmü nədir? Çünki, ölkəmizdə böyük alimlər, hətta Müçtehidlərin nümayəndələri deyirdi: tibbi- spirt əsli maye və məst edici olsa belə Lənkərani ağa onu pak bilir. Məndə onların bu sözünə əsasən bədənimdə və paltarımda belə spirt ola-ola namaz qılmışam.

Mənim sualım belədir: Qadınlar güman edirlər ki, ”ər-Ricalu qəvvamunə ələn-nisa” ayəsində İslam onların zərərinə danışmışdır. Bu məsələni onlar üçün necə izah edək? Ayə necə təfsir olunmalıdır?

Sual: Salamun aleykum Nə üçün bütün peyğəmbərlər şərqdə zühur etmişlər və avropa ölkələri və qərbdə peyğəmbər olmamışdır?

Bizim evdə heç kim bir-biri ilə yola getmir, bir dəfə quran açdırdıq, bildirdilər ki bizə sehr-cadu edilib qəbristanlıqda basdırılmışdır. Doğrusu əvvəllər biz bunlara inanmazdıq, amma dini kitablar oxuduqca məlum oldu ki, peyğəmbərlərin həyatında da bu kimi hadisələr baş vermişdir. Cadunu tapıb çıxarsaq, onu batil edə bilərikmi? Və yaxud yalnız namaz ilə qorunmaq mümkündürmü?

Dövlət universitetlərinin birində ikinci kurs tələbəsiyəm. 20 yaşım vardır. Zahirən müsəlmanam, amma Allahı yaxşı tanımıram, dinimi tanımıram. Dünyaya gəldiyim zamandan ancaq onu bilirəm ki, müsəlmanam. Əgər Allah barəsində məndən bir şey soruşsalar, nə cavab verəcəyimi bilmirəm. Heç bilmirəm Allah kimdir?! Adım müsəlman olduğu üçün bir ildir ki, namaz qılıram. Birinci ildir ki, kamil şəkildə oruc tuturam, amma dinimi tanımıram. Dinimi seçmək üçün heç vaxt mənə seçim haqqı verməyiblər. Hər zaman başqa dinlərin adını çəkəndə, üzdə müsəlman olanların hamısı mənə hücum edir və deyirlər sən müsəlman deyilsənmi? Maraqlıdır ki, özləri də İslamdan heçnə bilmirlər, ancaq iddia edirlər. Hərdən fikirləşirəm ki, adı Allah olub məni yaradan o kəsin qüdrəti məndən daha çox olduğu üçün namaz qılmalıyam ki, həyatda olan şeylərimi məndan almasın, ya hətta varlığına şübhə ilə yanaşdığım o biri dünyada mənə əzab verməsin. Çünki gözlərimlə görmüşəm ki, bir işə başlayan zaman onun adını gətirməyəndə (çəkməyəndə) işimin nəticəsi olmur, hətta bəzi vaxtlar bir ömür səy və zəhmətim hədərə gedib. Hətta hərdən zirvəyə yüksəldiyim zaman onu unudanda, təzədən yerə enmişəm. Həqiqətən mənim üçün sual yaranır ki, haqqında danışdığımız Allah məni və başqa bir çoxlarını yaratmışdır və bizim ibadətimizə ehtiyacı yoxdur niyə görə onu unudan zaman bizim həyatımızı əlimizdən alır, lakin İslamdan dəm vurub qeybət edənlərlə, yalan danışanlarla bir işi yoxdur? Ümid edirəm mənim bu suallarım cavabsız qalmayacaqdır, çünki kimdən soruşuramsa, mənə cavab vermir. Mənim Allaha baxışımın dəyişməsi, İslamı yaxşı tanımağım və onun nə olduğunu, nə istədiyini bilmək üçün mənə kömək etməyinizi istəyirəm. Kömək etsəniz sizə minnətdar olaram. Lütfən İslamı nəzərə almadan Allahı tanıtdırın!