Müsəlmandan kafirə və kafirdən müsəlmana qan köcurtməyin hökmü nədir?

Kişi ilə xanımı və ata ilə oğlu arasında sələmin (ribanın) haram olmamasının səbəbini və mümkünsə bu fətvanın əqli dəlillərindən birini qeyd edin.

Ailə qurmamışdan əvvəl xanımıma işləməsinə icazə verəcəyimi demişdim. İndi isə işləməsini istəmirəm. Xanımımı şəri cəhətdən işdən çıxartdırmağa nə dərəcədə haqqım çatır?

Bir xanım işdə olduğu zaman əri onu şəhərə, yanına çağırır. Bu zaman xanım işi buraxıb ərinin çağırışına getməlidir ya işində oturub işini işləməlidir? Xanımın hansı hallarda ərinin çağırışına getməməyə haqqı çatır?

Sizin musiqi və rəqslə bağlı nəzəriniz bəllidir. Rəqsi tamamilə haram buyurmusuz. Amma musiqi məsələsində bəzi anlaşılmayan məqamlar var. Azərbaycanda 3 cür toy mərasimi olur. Biri eyş-işrət, çalıb-oynamaq, arvad-kişi qarışıq olan günah məclisi. Digər ikisi isə möminlərin toy məclisi. Bu ikisinin də fərqi vardır. Belə ki, bəziləri bir vaxt sizin, kişinin kişi məclisində, qadının da qadın məclisində rəqs etməsinə icazə verdiyiniz vaxt o cür toy edirdi. Ikinci dəstə möminlər isə rəqs olmayan, əhli-beyti zikr edən, surudlar oxuyan məddahlarla toy edir. Sonra sizdən sual olundu, rəqs toyunun haram olduğunu cavablandırdınız. Indi yalnız məddahlar əhli-beyti zikr edən musiqilər oxuyurlar. Lakin bir məsələ var. Məddahlar bir cox musiqi alətindən istifadə edir, o musiqilər de sümüyə düşən, ritmik ve ğina sayıla biləcək musiqilərdir. Yəni Peyğəmbər və əhli-beyt zikrini ondan ayırsan, başqa məclislərdə çalınan musiqidən heç fərq eləmir. Bu cür musiqilərin çalınması və əhli-beytin bu musiqilərlə zikr olunması caizdir yoxsa yox?

Mən istəyirəm uşağa paltar almaq üçün ərimdən xəlvət pul yığam. Ərim biləndə onu məndən alıb boş şeylər üçün xərcləyir. İndi mən ərimdən gizli pul yığa bilərəm?