1.Şəhərin tabeliyində çoxlu kəndlər olur və həmin şəhərin bir kəndindən o biri kəndinə 8 fərsəxdən çox yol qət edən adam müsafir sayılırmı? 2.Bir şəhər ilə digər şəhər arasındakı məsafə 8 fərsəxdən çox, o şəhərlərin kəndləri arasındakı məsafə isə 8 fərsəxdən azdır. Bir nəfər öz şəhərinin mərkəzindən qonşu şəhərin yaxın kəndinə getsə müsafir sayılırmı? 3.Əgər şəhərlərin çoxlu kəndləri varsa tərəxxüs həddi şəhərlərin divarları arasından götürülər, yoxsa kəndlərin? Məsələn, Lənkəranın Parakənd kəndi ilə Astaranın Pənsər kəndi bir-birinə çox yaxındır. Lənkəran şəhərindən Pensər kəndinə qədər 21 km-dir, Parakənddən Pənsərə qədər 3 km-dir. Lənkəran şəhərindən Pənsərə gedən adam namazını necə qılmalıdır?

Namaz qılan şəxsin beyin təzyiqi baximindan səhhətində problemi var. Səcdəyə getmək səhhətində problem yaradır. Bu halda olanın namazının hökmü necədir və hansı formada namaz qila bilər?

Əgər möminin yuxuda boynuna cənabət quslu gəlirsə, onun paltarlarını, paltar yuyan maşınla yumaq düzgündürmü?

Bəziləri namazda hər rükət üçün ayağa qalxanda bu zikri ”La hövlə və la quvvətə illa billahil Əliyyil Əzim” –deyir. Bu zikri namazın müstəhəb hissəsi qəsdi ilə demək olar?

Sizin musiqi və rəqslə bağlı nəzəriniz bəllidir. Rəqsi tamamilə haram buyurmusuz. Amma musiqi məsələsində bəzi anlaşılmayan məqamlar var. Azərbaycanda 3 cür toy mərasimi olur. Biri eyş-işrət, çalıb-oynamaq, arvad-kişi qarışıq olan günah məclisi. Digər ikisi isə möminlərin toy məclisi. Bu ikisinin də fərqi vardır. Belə ki, bəziləri bir vaxt sizin, kişinin kişi məclisində, qadının da qadın məclisində rəqs etməsinə icazə verdiyiniz vaxt o cür toy edirdi. Ikinci dəstə möminlər isə rəqs olmayan, əhli-beyti zikr edən, surudlar oxuyan məddahlarla toy edir. Sonra sizdən sual olundu, rəqs toyunun haram olduğunu cavablandırdınız. Indi yalnız məddahlar əhli-beyti zikr edən musiqilər oxuyurlar. Lakin bir məsələ var. Məddahlar bir cox musiqi alətindən istifadə edir, o musiqilər de sümüyə düşən, ritmik ve ğina sayıla biləcək musiqilərdir. Yəni Peyğəmbər və əhli-beyt zikrini ondan ayırsan, başqa məclislərdə çalınan musiqidən heç fərq eləmir. Bu cür musiqilərin çalınması və əhli-beytin bu musiqilərlə zikr olunması caizdir yoxsa yox?

Salamun aleykum Namazda oxunan “Ayətul-Kursi” bu iki ayənin hansında xətm olunur; «وهو العلی العظیم» – və huvəl əliyyul-əzim, yaxud «هم فیها خالدون» – hum fiha xalidun?