Bismilləhir-Rahmənir-Rahim

Salamun aleykum və rəhmətullah

Cavab:

Möminlərin “Fatimiyyə” günlərində neçə gün əzadarlıq və matəm saxlamaqları barəsində bir hədis yoxdur, amma rəvayətlərdə qeyd edilibdir ki, möminlər bizim şadlığımızda şad və əzamızda əzadar olsunlar. Həzrət İmam Rza (əleyhissəlam) Rəyyan ibn Şəbibə buyurdu:

" اِن سَركَ اَن تَكُونَ مَعَنا فِي‌الدرَجاتِ العُلي مِنَ الجَنانِ فَاحزَن لِحُزنِنا وافرَحَ لِفَرحِنا"

“Əgər beheştin ali dərəcələrində bizimlə birgə olmaq istəyirsənsə, bizim qəm-qüssəmiz üçün hüznlü ol və şadlığımız üçün xoşhal ol!”[1]

Əmirul-möminin əleyhissəlam da buyurur:

« إِنَّ اللَّهَ تَبَارَكَ وَ تَعَالَي اطَّلَعَ إِلَي الْأَرْضِ فَاخْتَارَنَا وَ اخْتَارَ لَنَا شِيعَهً يَنْصُرُونَنَا وَ يَفْرَحُونَ لِفَرَحِنَا وَ يَحْزَنُونَ لِحُزْنِنَا وَ يَبْذُلُونَ أَمْوَالَهُمْ وَ أَنْفُسَهُمْ فِينَا أُولَئِكَ مِنَّا وَ إِلَيْنَا»

“Allah təbarək və təala Yerə nəzər saldı və bizi seçdi, şiələrimizi də bizim üçün seçdi ki, onlar bizim sevincimizə xoşhal və bizim qəm-qüssəmizə məhzun və kədərli olurlar. Onlar canlarını və mallarını bizim yolumuzda fəda edirlər; onlar bizdəndirlər və bizə tərəf də gələcəklər.”[2]

Bu əyyamda əzadarlıq halətinin qorunub saxlanılması sayəsində Məsumların (əleyhimussəlam) xüsusi məhəbbət və inayətinin cəlb olunmasına səbəb olacaqdır, İnşaallah!