SUALLAR VƏ CAVABLAR
Sualınızı soruşunMüvəqqəti izdivac
Tarixində 17 November 2018 & Saat 21:14
Qısa müddətli müvəqqəti izdivacla bağlı bir sıra anlaşılmazlıqlara şəriət baxımından necə qiymət vermək olar?
Bİsmilləhir-Rahmənir-Rahim
Salamun aleykum və rahmətullah
Cavab) Qadınla qısa müddətli müvəqqəti
izdivacın – şəraitini riayət etməklə – heç bir maneəsi yoxdur, lakin diqqət
edilməlidir ki, əgər qadın bir kişi ilə qısa müddətə müvəqqəti kəbin kəsib
cinsi əlaqədə olarsa, əqd müddəti başa çatdıqdan sonra qadın gərək iki heyz
görmə müddəti – iddə saxlamalıdır və nə qədər ki, iddəsi başa çatmayıbdır,
başqa bir kişi ilə izdivac etməsi haram və qeyri-caizdir. Doğrudur, əgər bu müddətdə
duxul və cinsi əlaqə baş verməzsə, qadının birinci kişi ilə əqd müddəti başa
çatdıqdan sonra ikinci kişi ilə izdivac etməsi icazəsi vardır, lakin bu izdivaca
məcbur deyildir.
Əslində, müvəqqəti izdivacın qanuni və şəri olmasının səbəbi budur ki, daimi
izdivac etməyə şəraiti və imkanı olmayan insanların cinsi ehtiyaclarının təmin
edilməsi mümkün olsun. İslam dininin digər dinlərdən üstünlüyü də budur ki, bu
müqəddəs şəriət bəşəri idarə etmək üçün cüzi və külli, xüsusi və ümumi, fərdi və
ictimai məsələləri əhatə edən qayda-qanunları təsdiqləyərək - bütün insan təbəqələrinin
şəriət çərçivəsində xatircəmliklə yaşamasını təmin edir. İndi, bu şəri qanuna
irad edənlərdən soruşmaq gərəkdir ki, qeyd olunan insan təbəqəsinin fitri və cinsi
ehtiraslarına cavab olaraq – zina etməkdən başqa – hər hansı bir qayda-qanunu müzakirəyə
çıxara bilərlərmi? Müvəqqəti izdivac əyyaşlıq üçün deyildir və onun üçün bir
sıra şərait təyin edilibdir ki, riayət olunması gərəkdir. Əgər şəriət buyurduğu
şərait və qaydalar riayət edilsə, müvəqqəti izdivacla bağlı heç bir çətinlik irəli
gəlməz. Amma bu şəraitin riayət edilməsinə maneə yaradan bəzilərini üzə çəksələr,
demək lazımdır ki, digər şəriət qanunlarının pozulmasında da bu kimi insanların
sayı heç də az deyildir.
Əsas terminlər:
Müvəqqəti izdivac
