Həzrət Fatimei-Zəhranın (əleyhəssəlam) şəhadəti

22 November 2026

01:25

۱۳

Xəbərin xülasəsi :
Ayətullah Məhəmmədcavad Fazil Lənkəraninin (bərəkətli ömrü uzun olsun) həzrət Fatimei-Zəhranın (əleyhasəlam) əzadarlığı münasibətilə təşkil edilmiş “Allahın Məhbubəsi” - şairlər məclisində irad etdiyi bəyanı

آخرین رویداد ها

Bismilləhir-Rahmənir-Rahim

Ayətullah Məhəmmədcavad Fazil Lənkəraninin (bərəkətli ömrü uzun olsun) həzrət Fatimei-Zəhranın (əleyhasəlam) əzadarlığı münasibətilə təşkil edilmiş “Allahın Məhbubəsi” - şairlər məclisində irad etdiyi bəyanı

بسم الله الرحمن الرحیم

«اللهُ نُورُ السَّمَاوَاتِ وَالْأَرْضِ مَثَلُ نُورِهِ كَمِشْكَاةٍ فِيهَا مِصْبَاحٌ الْمِصْبَاحُ فِي زُجَاجَةٍ الزُّجَاجَةُ كَأَنَّهَا كَوْكَبٌ دُرِّيٌّ يُوقَدُ مِنْ شَجَرَةٍ مُبَارَكَةٍ زَيْتُونَةٍ لَا شَرْقِيَّةٍ وَلَا غَرْبِيَّةٍ يَكَادُ زَيْتُهَا يُضِيءُ وَلَوْ لَمْ تَمْسَسْهُ نَارٌ نُورٌ عَلَى نُورٍ يَهْدِي اللَّهُ لِنُورِهِ مَنْ يَشَاءُ وَيَضْرِبُ اللهُ الْأَمْثَالَ لِلنَّاسِ وَاللهُ بِكُلِّ شَيْءٍ عَلِيمٌ»

Əgər bir az həzrət Fatimei-Zəhranı (əleyhasəlam) tanımaq istəsək, hansı ki, ona Fatimə adı verilib, çünki bütün məxluqat onu tanımaqda acizdirlər, «لان الخلق فطموا عن کنه معرفتها» -onda gərək müqəddəs Quranla rabitə bərqərar edək və görək onu xəlq edən Allah-taala Fatiməni necə tanıtdırır, onun barəsində Quran surələri və ayələri hansı mətləblərə işarə buyurur. Sonra müqabil tərəfə deyək, indi siz də Fatimei-Zəhranın (əleyhasəlam) müasir qadınları barədə bizə bir ayə göstərin? Qəti olaraq, Quranda onlara və onların məqamı haqda heç bir tərifəlayiq işarə tapmayacağıq.

Bu olduqca təəccüblüdür; Quranın “Leylətul-Qədr”i Fatimədir. Hansı ki, “Leylətul-Qədr” barəsində Allah-taala Peyğəmbərinə (sallallahu əleyhi və alih) buyurur: «وَ ما أَدْراكَ ما لَيْلَةُ الْقَدْرِ». Quranın “Leylətul-Mubarəkə”si Fatimədir, “و آت ذی القربی حقه” Fatimədir. Bəzi hədislərə əsasən, “فاسئلوا اهل الذکر” Fatimədir. “Dəhr” və “Kövsər” surələri Fatiməyə aiddir. Bunların hər biri barəsində söhbət etmək istəsək, gərək saatlarla bəhs edib danışaq və kitablar yazılsın.

Bu az olan fürsətdə mübarək “Nur” surəsinin şərəfli ayəsinə işarə edirəm. Əgər yaxşı diqqət etsəniz və bu ayəni zehninizdə saxlasanız, öz vücudunuzda nuranilik hiss edəcək və həzrət Fatimənin məqamının dərkinə yaxın olacaqsınız. Məclisimizin əsas məqsədi də məhz budur.

«اللَّهُ نُورُ السَّمَاوَاتِ وَالْأَرْضِ» - Allah-taala göylərin və yerin nurudur. Bu nuru dərk etmirik, nə zahiri gözlə, nə də bu məhdud olan qəlb, zehin və fikirlə.

Belə ki, buyurur: “Allah-taala göylərin və yerin nurudur”, Allahın nuru nədir görəsən? Biz bu zahiri nurları görə bilərik, amma Allahın nuru nədir? Allah-taala Quranda Öz nuru üçün bir misal gətirmək istəyir: «مَثَلُ نُورِهِ كَمِشْكَاةٍ»  -Allahın nuru bir mişkat və çıraqdan kimidir. «فِيهَا مِصْبَاحٌ» - Bu çıraqdanda bir çıraq və şölə saçan cihaz var. «الْمِصْبَاحُ فِي زُجَاجَةٍ» - Bu çıraq büllur bi şüşənin daxilində yerləşibdir. Hər bir kəs bunu başa düşür ki, çırağın ətrafını büllur şüşə əhatə etdikdə onun nurunu qoruyur və nurun davamlı və baqi qalmasına səbəb olur və sönməsinin qarşısını alır. «الزُّجَاجَةُ كَأَنَّهَا كَوْكَبٌ دُرِّيٌّ يُوقَدُ مِنْ شَجَرَةٍ مُبَارَكَةٍ زَيْتُونَةٍ لَا شَرْقِيَّةٍ وَلَا غَرْبِيَّةٍ» - Bu çırağın mənbəyi və onun enerjisi olduqca çoxlu xüsusiyyətlərə malik olan mübarək bir zeytun ağacıdır. «يَكَادُ زَيْتُهَا يُضِيءُ» - Bu çıraq öz-özünə parlayıb şölələnir. وَلَوْ لَمْ تَمْسَسْهُ نَارٌ» « - Hətta ona od yetişməsə belə, öz-özünə işıq saçır.

Allah-taala buyurur, dünya aləmində Mənim nurumu görmək istəyirsizsə, Mənim nurum bu xüsusiyyətləri olan “Mişkat” kimidir. Sonrakı ayə buyurur: «في بُيُوتٍ أَذِنَ اللّهُ أَنْ تُرْفَعَ وَ يُذْكَرَ فيهَا اسْمُهُ». 

Bəzi hədislərdə “Mişkat”ı həzrət Peyğəmbərin (sallallahu əleyhi və alih) mübarək vücudu və “Misbah”ı Əmirəl-mömininə (əleyhissəlam) yaxud Peyğəmbərin elminə və “Zücacə”ni Əmirəl-mömininə tətbiq etmişlər. Bəzi hədislər isə “Mişkat”ı Fatimə adlandırmışlar. Mən burada həmin məna ətrafında danışmaq istəyirəm. Hətta əgər bu haqda hədis də olmasaydı, ayənin ardınca buyurur: «في بُيُوتٍ أَذِنَ اللّهُ أَنْ تُرْفَعَ وَ يُذْكَرَ فيهَا اسْمُهُ».  – Öz nurunu ona təşbeh edən Allahın bu “Mişkat”dan məqsədi nədir? Yer üzündə bəşərin Allah nurunu görə bilməsi üçün Allah-taala buyurur, bu evlərə nəzər salın.

Həzrət Peyğəmbərdən (sallallahu əleyhi və alih) sual etdilər ki, Allahın adının və zikrinin deyilib ucalmasına izin verdiyi ev hansıdır? Bu ev, bütün insanların evindən və bütün saraylardan fərqli bir evdir. Bu nurani vücudlar bütün insanlar arasında işıq saçıb parlayır. Allah-taala bu evlərə icazə veribdir ki, batini və mənəvi baxımdan ucalıb yüksəlsinlər.

Bu evlərdə يُذْكَرَ فيهَا اسْمُهُ  - Allahın adı zikr edilir, gevələr və gündüzlər bu evlərdə Allah təsbih deyilir. Sonrakı ayədə bu evlərin üzvləri və şəxsiyyətləri tanıtdırılır. «رِجَالٌ لَا تُلْهِيهِمْ تِجَارَةٌ وَلَا بَيْعٌ عَنْ ذِكْرِ اللَّهِ وَإِقَامِ الصَّلَاةِ وَإِيتَاءِ الزَّكَاةِ» - Onlar həmişə Allahın zikrinə məşğuldurlar, namaz qılmaq və zəkat vermək halındadırlar. «يَخَافُونَ يَوْمًا تَتَقَلَّبُ فِيهِ الْقُلُوبُ وَالْأَبْصَارُ»  - Onlar Allahın məqam və qüdrətindən, eləcə də Qiyamət günündən xof edirlər.

Qardaşlar və bacılar, bu ayələri yadda saxlayın. Allah demək istəyir ki, ey bəşər, əgər Mənim nurumun bir cüzini görmək istəyirsənsə, Fatiməi-Zəhraya bax, Əliyə bax, Məsum imamlara bax. Bunlar yer üzündə Allahın nurudur. Həzrət Hadi əleyhissəlam “Camiə” ziyarətnaməsində buyurur: «خلقکم الله أنواراً فجعلکم بعرشه محدقين حتّي منّ علينا» - Bunlar Allahın nuru və yer üzündə Allah nurunun nümunəsidirlər. Fatimə Allahın nurudur, necə ki, Peyğəmbər və Əli Allahın nurudur.

Hədisdən istifadə etmədən bu ayələrin özündən Əhli-beytin (əleyhimussəlam) məqamını dərk etmək olur. Allah-taala buyurur: Mənim nurumun məsəli bu xüsusiyyətli olan Mişkatdır və bu xüsusiyyətli mişkatın nümunəsi də bu evlərdir. Hansı evlər? O evlər ki, «أَذِنَ اللّهُ أَنْ تُرْفَعَ وَ يُذْكَرَ فيهَا اسْمُهُ يُسَبِّحُ لَهُ فيها بِالْغُدُوِّ وَ اْلآصالِ‌‍» , Quran uca və aydın səslə buyurur: Ey bəşər! Baxışın İlahi nurlara olsun, nəzərin Fatiməyə olsun. Mənim nuruma çatmaq, Mənim nurumdan bəhrələnmək istəyirsənsə, sən Mənim nurumu dərk edə bilməzsən! Amma yer üzündə Öz mislimi yaratmışam, «هم فاطمة و ابوها و بعلها و بنوها» - Mənim mislim, Fatimə, onun atası, həyat yoldaşı Əmirəl-möminin və onun pak övladlarıdır.

Bir zaman fikirləşirdim ki, Məsum imamların (əleyhimussəlam) buyurduqları bu hədis: «نحن حجج الله علی عباده و فاطمة حجةٌ علینا» - Həzrət Fatimənin imamlar üçün hüccət olmasının mənası nə deməkdir? Bu ayəyə əsasən, həzrət Fatimə bütün imamları qoruyub hifz edəndir. Fatimə Əlinin mişkatıdır və Əli misbahdır, Həsən misbahdır, sonuncu imama qədər, onlar hamısı çıraqdırlar. Amma bu çırağın nurunu və şölələrini qüvvətlə qoruyan və ona xüsusi parlaq və işıq bağışlayan Fatimədir.

İmam Sadiq əleyhissəlam bir hədisdə buyurur: «أنا فرعٌ من فروع الزیتونة من شجرة مبارکةٍ زیتونة و قندیل من قنادیل بیت النبوة» - Mən mübarək zeytun ağacının budaqlarından biriyəm.

Allahın, Peyğəmbərin və imamların nurunun mişkatı olan və yer üzündə Allah-taala onu Öz məsəli və nümunəsi yaradan Fatiməni tanımağa və onun ardıcılı olmağa dəyərmi? Onun necə bir varlıq və əzəmət sahibi olduğunu bilmək münasib olmazmı?

Bu məclisi təşkil etməkdə məqsədimiz də elə budur ki, zehni cəhətdən və öz dinimizin hörmətli şairlərin zövqü ilə Həzrəti daha yaxşı tanımağa nail olaq. Məlumdur ki, bu gözəl şerləri bizim üçün yaza bilən şairlərin qəlbinə və zehninə Fatimənin nuru saçmış və inikas etmişdir.

Allaha şükür olsun ki, iki-üç onillikdə bu ölkədə Fatimənin səsi dünya əhlinin qulağına yetir. Allahın inayəti İran millətinə, yalnız şiələrə deyil, əslində müsəlmanlara və bütün bəşəriyyətə şamil olmuşdur, bir miqdar Fatiməni tanımağa nail olmuşuq ki, Fatimə kimdir? Əziz şairlər mən bilmirəm Quran ayələrində Fatiməyə aid olan İlahi inayətlər şerlərdə də vardır, ya xeyr? Cənab Şəriətinin oxuduğu olduqca gözəl şerində bu ünvanların bəziləri var idi. Bu məsələyə, yəni Fatiməni Quran baxışından tanımağa daha çox diqqət etməliyik.

Bizim sualımız budur ki, mişkat olan Fatimə, Allahın nurunun nümunəsi olan Fatimə, Allahın zikrinin edilməsi izni verilən evlərin mehvəri olan Fatimə, layiqdirmi ona deyilsin sözlərinin doğru olması üçün şahid gətir? Görəsən, onu məscidə çəkmələri düzgün idimi? Qapı və divar arasında sıxılmağa layiq idimi? Görən, küçədə üzünə şillə vurulması münasib idimi? Ey bəşər! Sən bu Allah nuru ilə nə etdin?

O zaman zülm olundu və ən pis zülmlər olundu. İndi də deyirlər ki, Fatimə barəsində söhbət etməyin! Fatimənin məqamlarını dilə gətirməyin, Fatimənin məzlumiyyətinə aid danışmayın! Biz danışmayaq, bəs Qurana nə deyirsiz? Məgər Quran Fatimənin məqamını bəyan etməyibmi? Kövsər surəsini Qurandan silə bilərsinizmi? Nəyin ardıncasınız? Qəflət yuxusundan oyanın və bu parlaq nurlardan istifadə edin...



Etiketlər :

Həzrət Fatimei-Zəhranın (əleyhəssəlam) şəhadəti