Həzrət imam Musa ibn Cəfərin (əleyhissəlam) mövludu

Bismilləhir-Rahmənir-Rahim

Həzrət imam Musa ibn Cəfərin (əleyhissəlam) mövludu

Hicri-qəməri 1447-ci il zil-hiccə ayının 20-i, miladi 2026-cı il iyunun 6-ı İmamət və Vilayət səmasının yeddinci parlaq ulduzu həzrət imam Musa ibn Cəfərin (əleyhiməssəlam) təvəllüd günüdür.

 Bu böyük və əzəmətli sevinc gününü ilk növbədə İmam Sahibəl-Əsri vəz-Zaman həzrət Məhdiyə (Allah onun zühurunu tezləşdirsin), sonra Əhli-beyt (əleyhimussəlam) məktəbinin həqiqi davamçılarına təbrik və gözünüz aydın deyirik.

Ümid edirik əzizlər bu sevinc və fərəh günündə şad olsunlar və öz sevinclərini ailə üzvləri, qohum-əqrəba və dostları arasında bölüşsünlər.

Həzrət Əbu İbrahim Musa ibn Kazimin (əleyhissəlam) həyatına qısa baxış:

Həzrət imam Musa ibn Cəfər (əleyhiməssəlam) hicri-qəməri 127-ci il 20 zil-hiccə (yaxud 128-ci il səfər ayının 7-i) Əbva adlı bir məntəqədə dünyaya gəlmişdir.

Əziz atası həzrət imam Cəfər Sadiq əleyhissəlam, hörmətli anasının adı Həmidə (Huməydə) olmuşdur.

Ləqəbləri və kunyəsi: Əbul-Həsən əvvəl, Əbu İbrahim; Kazim, Babul-həvaic, Əbd Saleh.

Hicri qəməri 148-ci ildə həzrət Sadiq əleyhissəlam şəhadətə yetdikdən sonra imam Kazim əleyhissəlam 20 yaşında imamət məqamına çatmışdır.

Həyat yoldaşı: Nəcmə xatun adlı fəzilətli bir qadın olmuşdur.

İmamət müddəti 35 il, mübarək ömrü 55 il olmuşdur.

Dövrünün hakimləri: Mənsur, Məhdi, Hadi və Harun (Abbasi sülaləsinin hakimləri).

Şəhadəti: Hicri 183-cü ildə Harun ər-Rəşidin göstərişi ilə Bağdad zindanında Zindi ibn Şahik adlı zalım zindanbanın vasitəsi ilə zəhərləndirilib şəhadətə çatmışdır.

Müqəddəs məzarı: Kaziməyn (hazırda Bağdad şəhərinə birləşmiş) şəhərindədir.

Həzrət İmam Kazim əleyhissəlamın hikmətli kəlamlarından

لا تَمنَحُوا الجُهّالَ الحِکمَهَ فَتَظلِمُوها، وَ لا تَمنَعُوها اَهلَها فَتَظلِموُهُم

Həzrət imam Kazim əleyhissəlam buyurur:

“Hikməti” nadanlara verməyin, çünki ona zülm edərlər və onu öz əhlindən əsirgəməyin, çünki onlara zülm etmiş olarsız.[1]

Bu cümlənin mənası budur ki, hər bir idrak sahibi danışarkən gərək diqqət etsin ki, onun dəyərli sözlərini qavrayan və ondan doğru yolda faydalanmaq istəyən varmı? Əgər yoxsa, o sözləri danışmağın da faydası yoxdur.

Necə deyərlər, dəyərli malına qiymət verməyənlərə malını dəyərsiz qiymətə satma, çünki bu halda özünə zərər etmiş olarsan...