Həzrət Peyğəmbərin (sallallahu əleyhi və alih) dəfn edilməsi

Bismilləhir-Rahmənir-Rahim

Rəbiul-əvvəl ayının biri həzrət Peyğəmbər-Əkrəmin (sallallahu əleyhi və alih) pak bədəninin dəfn edilməsi günüdür

Rəbiul-əvvəl ayının birinci gecəsinin  yarısında Əmirəl-möminin Əli əleyhissəlam Xatəmul ənbiya və mursəlin həzrət Peyğəmbər-Əkrəmin (sallallahu əleyhi və alih) pak bədənini dəfn etdi.[1]

 Bir tərəfdən həzrət Peyğəmbərin (sallallahu əleyhi və alih) faciəli və müsibətli vəfatı, digər tərəfdən xalqın onun qüsl, kəfən və dəfn edilməsinə diqqətsizliyi və o Həzrətə hörmətsizliyi Əmirəl-möminin Əlinin (əleyhissəlam) mübarək qəlbinə ağırlıq salan böyük dağlar idi.[2] Belə ki, həmin günlərin acı xatirələrini yada salıb buyurmuşlar: “Görəsən, Peyğəmbərin (sallallahu əleyhi və alih) pak və şərəfli bədənini boşlayıb və onun dəfnindən yayınıb ondan sonrakı xəlifəlik və səltənət uğrunda kəşməkəş və çəkişmə etməliydim?”[3]

Mərhum Şeyx Mufid buyurur: “Xalqın əksəriyyəti Peyğəmbərin (sallallahu əleyhi və alih) dəfnində iştirak etməmiş və o Həzrətin cənazə namazını əda etməmişlər. Ona görə ki, (Peyğəmbərin (sallallahu əleyhi və alih) vəfatından sonra) xəlifə seçimi ilə əlaqədar “ənsar və muhacirlər” arasında kəşməkəş və çəkişmə var idi.”[4]

Ə`məş deyir: “Peyğəmbərləri dünyadan köçmüşdü, lakin xalqın heç bir qəm-qüssəsi yox idi, yalnız bir dəstə deyirdi: “Əmir bizdən seçilməlidir” və digər bir tayfa deyirdi: “Əmir bizdəndir”.”[5]

Həzrət imam Baqir əleyhissəlam buyurur: “Camaat doşənbə və seşənbə gecəsi Peyğəmbərin (sallallahu əleyhi və alih) cənazəsinə namaz qılırdılar: xalq kütləsi, hətta Həzrətə xüsusi və yaxın olan şəxslər onun pak və mübarək bədəninə namaz qıldılar. Amma Səqifə əhlindən heç kəs o Həzrətin qüsl, kəfən və dəfn mərasimində iştirak etmədilər. Əmirəl-möminin (əleyhissəlam) Burəydə Əsləmini xəbər çatdırmaq üçün onların yanına göndərdi. Lakin ona etina etmədilər, Peyğəmbərin (sallallahu əleyhi və alih) dəfnindən sonra onların (xəlifəliklə bağlı) bey`ət mərasimi də başa çatdı.”[6]

Aişə bu mövzu ilə bağlı bir etiraf etmişdir ki, diqqəti cəlb edəndir, o deyib: “And olsun Allaha Peyğəmbərin (sallallahu əleyhi və alih) dəfnindən bizim xəbərimiz olmadı. O vaxta qədər ki, çaharşənbə gecəsi o Həzrətin hücrəsindən bel və külüng səslərini eşitdik”[7], yəni dəfndən sonra xəbərdar olduq.

Xilafəti qəsb etmək səbəbinə hər şeyi unudan insanlardan soruşmaq gərəkdir:

- Görən, Peyğəmbərin (sallallahu əleyhi və alih) hüzurunda və o Həzrətin göstərişi ilə hansı hadisə baş vermişdir, Səqifə, yaxud Qədir-Xum?

- Görəsən, Allah-taala tərəfindən Səqifədə məşvərət heyətinin təşkil edilməsi ilə əlaqədar bir göstəriş gəlmişdir, yaxud Qədir-Xum barəsində?

- Görəsən, müsəlmanları əksər şəhərindən Səqifədə iştirak edənlər olmuşdur, ya Qədir-Xumda?

- Görəsən, Allahın və Peyğəmbərin (sallallahu əleyhi və alih) xalqın əksəriyyətinin beyət etməsi Səqifədə baş vermişdir, yaxud Qədir-Xumda; hətta qadınlar da beyət etsinlər?

Bütün bu suallara və şübhələrə insafla cavab verməyi əziz möminlərin özlərinə həvalə edirik.

Mənbələr:

[2] “Xisal” (Mərhum Şeyx Səduq), səh. 372; “İxtisas” (Mərhum Şeyx Mufid), səh. 171.