Həzrət Ayətullah Məhəmmədcavad Fazil Lənkəraninin “Məhdilik” mövzusunda çıxışları

Bismilləhir-Rahmənir-Rahim

Birinci çıxış (ardı)

Üçüncü təbirin araşdırması: “İnsanları ədalətə çağırmağa və keçmişə son qoymağa” dəlalət edən hədislər;

Qeyd olundu kimi, hədislərdə gələn üçüncü təbir budur ki, o Həzrət zühur etdikdən sonra insanları ədalətə və düzgünlüyə dəvət edəcək, camaat arasında yayılmış İslamı ədalətə əsaslanan həqiqi İslamla əvəz edəcəkdir. Bu hədislərin birində imam Məhdinin (Allah onun gəlişini tezləşdirsin) əməl və rəftarının vəsfində həzrət imam Baqir (əleyhissəlam) buyurur:

"رَسُول اللهِ(صلي الله عليه وآله)... أَبْطَلَ مَا كَانَ فِي الْجَاهِلِيَّةِ وَ اسْتَقْبَلَ النَّاسَ بِالْعَدْلِ وَ كَذَلِكَ الْقَائِمُ(عليه السلام) إِذَا قَامَ يُبْطِلُ مَا كَانَ فِي الْهُدْنَةِ مِمَّا كَانَ فِي أَيْدِي النَّاسِ وَ يَسْتَقْبِلُ بِهِمُ الْعَدْلَ"

“(Necə ki,) Rəsulullah (sallallahu əleyhi və alih) cahiliyyət dövründə olan (bütün ədalətsiz) əməlləri batil edib aradan apardı, ədalət və düzgünlüyü xalqa töhfə gətirdi, həmçinin Qaim (əleyhissəlam) qiyam etdikdə, zalımlarla saziş dövründə xalq arasında adət-ənənəyə çevrilmiş adət və ənənəyə çevrilmiş xoşagəlməz əməlləri batil edəcək, haqq və ədaləti insanlara ərməğan gətirəcək.”[1]

Bu hədisdən əldə olunan üç mühüm məsələnin bəyanı;